"පිපෙන්නට වෙර දරන මල් කැකුළු වලට සවිය දෙනු වස්..." සැළලිහිණියා රාජාංගනයට
ජනසන්නිවේදන ගෞරව උපාධි දෙවන වසර විද්‍යාර්ථීන් විසින් ඔවුන්ගේ සමාජ සුභසාධන ව්‍යාපෘති විෂය ඒකකයට අදාළව පළමු අදියර වශයෙන් ක්‍රියාත්මක කරන ලද "සැළලිහිණියා රාජාංගනයට " ව්‍යාපෘතිය පසුගිය 5 වන දා නිමාවට පත් කරන ලදී. රාජාංගනය දුෂ්කර පාසල් කිහිපයක දරු දැරියන්ගේ සහජ කුසලතා හා නිර්මාණාත්මක හැකියාවන් හදුනා ගෙන විශේෂ ඇගයීමකට ලක් කරමින් ඔවුන්ට ත්‍යාග හා සහතික පත්‍ර ලබා දීම මෙහිදී සිදු විය.
ත්‍යාග හා සහතික පත්‍ර ප්‍රදානෝත්සවය රාජාංගනය ශ්‍රී බෝධිරාජාරාමයේ පැවැත්වුණු අතර එයට ජනසන්නිවේදන අධ්‍යයන අංශයේ අංශාධිපති ජ්‍යෙෂ්ඨ කථිකාචාර්ය විජයානන්ද රූපසිංහ මහතා, ජ්‍යෙෂ්ඨ කථිකාචාර්ය ධම්මික බණ්ඩාර හේරත් මහතා, ජ්‍යෙෂ්ඨ කථිකාචාර්ය මංගල කීර්ති පැස්කුවෙල් මහතා, කථිකාචාර්ය ඉලේකා රුවන්පතිරණ මහත්මිය සහ සහකාර කථිකාචාර්යවරු සහභාගි වූහ.
