කැලණිය විශ්වවිද්‍යාලයේ ජනසන්නිවේදන අධ්‍යයන අංශය මගින් ක්‍රියාත්මක ‘සන්නිවේදනය හා මහජන සම්බන්ධතා උසස් ඩිප්ලෝමා පාඨමාලාව, 6 වැනි කණ්ඩායම මහජන සම්බන්ධතා සැලසුම්කරණ ව්‍යාපෘතිය විෂය ඒකකයට අදාළව සංවිධානය කළ "සිසුවර" පාසල් ව්‍යාපෘතිය ගාල්ල යක්කලමුල්ල තලංගහවත්ත සරස්වතී දෙමළ මහා විද්‍යාලයේදී පසුගිය නොවැම්බර් 15 වැනිදා සාර්ථකව ක්‍රියාත්මක කෙරිණි. ''ගුණ නැණ බෙලෙන් සපිරුණු හෙටක් උදෙසාවන සිසු සවිය'' යන තේමාව යටතේ ක්‍රියාත්මක වූ මෙම ව්‍යාපෘති මගින් පාසල් සිසුදරුවන්ගේ මානසික සෞඛ්‍යය හා ඩිජිටල් සාක්ෂරතාව වර්ධනය කිරීමේ අරමුණින් ව්‍යාපෘති කාර්යයන් කිහිපයක් සිදු කෙරිණි.
මෙම ව්‍යාපෘතියේ කාර්යයන් අතර පාසල් සිසුන්ගේ ‘මානසික සෞඛ්‍යය හා ඩිජිටල් සාක්ෂරතාව’ ප්‍රවර්ධනයට ‘පාසල් වැඩමුළුවක්’ පාසලේ සිසුසිසුවියන් ඇතුළු ගුරුවරුන් හා දෙමාපියන් සහභාගීත්වයෙන් නොවැම්බර් 15 වන සෙනසුරාදා දින ගාල්ල, යක්කලමුල්ල, තලංගහවත්ත සරස්වතී දෙමළ මහා විද්‍යාලයේ දී පැවැත්විණි. එහිදී ‘ඩිජිටල් මාධ්‍ය අවකාශය හා ඩිජිටල් මාධ්‍ය සාක්ෂරතාව’ මැයෙන් වැඩමුළුවේ පළමු දේශනය කැලණිය විශ්වවිද්‍යාලයේ ජනසන්නිවේදන අධ්‍යයන අංශයේ අංශාධිපති, ආචාර්ය මනෝජ් ජිනදාස මහතා විසින් සිදු කරන ලදී.
පාසල් වැඩමුළුවේ දෙවන දේශනය ‘අධ්‍යාපනය, සදාචාරය හා සාරධර්ම’ මැයෙන් කැලණිය විශ්වවිද්‍යාලයේ සන්නිවේදනය හා මාධ්‍ය ඒකකයේ අධ්‍යක්ෂ, ජනසන්නිවේදන අධ්‍යයන අංශයේ ජ්‍යෙෂ්ඨ කථිකාචාර්ය සමන් රාජපක්ෂ මහතා විසින් සිදු කරන ලදී. මෙම වැඩමුළුවට සමගාමීව එම පාසලේ ප්‍රධාන ශාලාව අලුත්වැඩියා කර අංග සම්පූර්ණ කර දීම, ප්‍රධාන ශාලාවේ ශබ්ද පරිපාලන උපකරණ, පුටු පරිත්‍යාග කිරීම, පාසල් පුස්තකාලයට පොත් පරිත්‍යාග කිරීම, සනීපාරක්ෂක පහසුකම්, ක්‍රීඩා භාණ්ඩ හා පාසල් උපකරණ පරිත්‍යාග කිරීම සිදු කෙරිණි.
සන්නිවේදනය හා මහජන සම්බන්ධතා උසස් ඩිප්ලෝමා අපේක්ෂයින්ගේ හා සරස්වතී දෙමළ මහා විද්‍යාලයේ පාසල් දරුවන්ගේ ද කලාත්මක කුසලතා හා දක්ෂතා විදහාපාන ප්‍රාසාංගික අවස්ථාවලින් සමන්විත වූ මෙම අවස්ථාවට සරස්වතී දෙමළ මහා විද්‍යාලයේ විදුහල්පති ටී. එස්. රාජේන්ද්‍රන් මහතා, ආචාර්ය මණ්ඩලය, පාසලේ 9 ශ්‍රේණියේ සිට 13 වැනි ශ්‍රේණිය දක්වා සිසු සිසුවියන්, දෙමාපියන් ද සහභාගී වූහ.
මෙම අවස්ථාවට කැලණිය විශ්වවිද්‍යාලයේ ජනසන්නිවේදන අධ්‍යයන අංශයේ අංශාධිපති ජ්‍යෙෂ්ඨ කථිකාචාර්ය ආචාර්ය මනෝජ් ජිනදාස, කැලණිය විශ්වවිද්‍යාලයේ මාධ්‍ය ඒකකයේ අධ්‍යක්ෂ ජ්‍යෙෂ්ඨ කථිකාචාර්ය සමන් රාජපක්ෂ, සන්නිවේදන හා මහජන සම්බන්ධතා උසස් ඩිප්ලෝමා පාඨමාලාවේ සම්බන්ධීකාරක ජ්‍යෙෂ්ඨ කථිකාචාර්ය අමාලී උත්පලා නන්දසිරි, කැලණිය විශ්වවිද්‍යාලයේ දුරස්ත සහ අඛණ්ඩ අධ්‍යාපන කේන්ද්‍රෙය් නියෝජ්‍ය අධ්‍යක්ෂ ජ්‍යෙෂ්ඨ කථිකාචාර්ය දර්ශන සෝමරත්න, කථිකාචාර්ය අයේෂ් විජේසිංහ, සහකාර කථිකාචාර්ය සුදේශ් අබේනායක, උසස් ඩිප්ලෝමා පාඨමාලා සම්බන්ධීකරණ සහායක කෝෂිකා ජයවර්ධන මෙය ද සහභාගී වූහ.
මෙයට අමතරව, මෙම අවස්ථාව සදහා යක්කලමුල්ල ප්‍රාදේශීය ලේකම් වී.ඒ.වී.ඩී.පී. රසාංජනී මහත්මිය, කොට්ටව කොට්ඨාශ අධ්‍යාපන අධ්‍යක්ෂ ඩී.එච්.ඒ. අතුල සිරිලාල් මහතා, යක්කලමුල්ල පොලිස් ස්ථානාධිපති ප්‍රධාන පොලිස් පරීක්ෂක හෙට්ටිආරච්චි මහතා, යක්කලමුල්ල සෞඛ්‍ය වෛද්‍ය නිලධාරී කාර්යාලයේ ප්‍රධාන වෛද්‍ය නිලධාරී රොහාන් ජයසූරිය මහතා, යක්කලමුල්ල ප්‍රාදේශිය ලේකම් කාර්යාලයේ ළමා හිමිකම් ප්‍රවර්ධන නිලධාරී එච්.ඩී.ඩී.ආර්. විජයවර්ධන මහත්මිය, ග්‍රාම නිලධාරී සුධීර මධුරංග මහතා, නාකියාදෙණිය පවුල් සෞඛ්‍ය නිලධාරී වයි.ඒ.ඩී.ඩබ්. ගයන්ති මහත්මිය, නාකියාදෙණිය ආර්ථික සංවර්ධන නිලධාරී අචලා අබේරත්න මහත්මිය, නාකියාදෙණිය සමෘද්ධි සංවර්ධන නිලධාරී සේන බන්දු ගමගේ මහතා, තලංගහවත්ත වතු සුබසාධන නිලධාරී රංගිකා මහත්මිය හා පොලිස් ළමා හා කාර්යංශයේ ස්ථානාධිපති A.S. මෞද්‍රි මහත්මිය ඇතුළු පිරිස සහභාගී වූහ.
- Department news
-
COMMENTS
- Hits: 57
.jpg)
