Department News

ජනසන්නිවේදන අධ්‍යයන අංශය සංවිධානය කළ ආලම්බන - 2023 ඡායාරූප තරඟාවලිය හා ප්‍රදර්ශනය මැයි මස 11 සහ 12 දෙදින K3 ගොඩනැගිල්ලේ පළමු මහලේ පැවැත්විණි. එහි සමාරම්භය සමාජීය විද්‍යා පීඨ පීඨාධිපති, මහාචාර්ය එම්.එම් ගුණතිලක මහතාගේ ප්‍රධානත්වයෙන් සිදුවිය. සමාජීය විද්‍යා හා මානව ශාස්ත්‍ර පීඨවල අංශ ප්‍රධානවරු, සන්නිවේදන හා මාධ්‍ය ඒකකයේ හා සමාජීය විද්‍යා පර්යේෂණ මධ්‍යස්ථානයේ අධ්‍යක්ෂවරු සහ ජනසන්නිවේදන අධ්‍යයන අංශ ආචාර්ය මණ්ඩලය ද ඊට සහභාගී වූහ.

ඡායාරූප තරඟාවලිය සඳහා ඉදිරිපත් වූ ඡායාරූප 500ක් අතරින් ඡායාරූප 80ක් ප්‍රදර්ශනය සඳහා තෝරාගත් අතර තරඟාවලියේ ප්‍රථම ස්ථානය භෞතික හා ඉලෙක්ට්‍රොනික විද්‍යා අධ්‍යයන අංශයේ A හෂාන් ධනංජය දිනාගත්තේ ය. දෙවන ස්ථානය භූගෝල විද්‍යා අධ්‍යයන අංශයේ K.H.C.U ප්‍රියංකර ද තෙවන ස්ථානය නාට්‍ය හා රංග කලා සහ ප්‍රතිබිම්බ කලා ඒකකයේ ප්‍රසාද් මදුසංක ද දිනාගත්හ. ඊට අමතරව කුසලතා සම්මාන 10ක් පිරිනමනු ලැබී ය.