කැලණිය විශ්වවිද්‍යාලයීය ජන සන්නිවේදන අධ්‍යයන අංශයේ ජනසන්නිවේදන ශිෂ්‍ය සංගමය විසින් සංවිධානය කරන ලද සන්නිවේදන කතිකා සාකච්ඡා මාලාවේ හතරවන කතිකාව ප්‍රජාතන්ත්‍රවාදය සහ තොරතුරු අයිතිය යන මාතෘකාව යටතේ සැප්තැම්බර් මස 28 වන දින සවස 06ට පැවැත්විණි. ජාත්‍යන්තර තොරතුරු වෙත ප්‍රවේශවීමේ දිනයට සමගාමීව තාක්ෂණය ඔස්සේ සාකච්ඡාව පැවැත්විණි .
මෙම කතිකාව කැලණිය විශ්ව විද්‍යාලයේ ජන සන්නිවේදන අධ්‍යයන අංශයේ ජ්‍යේෂ්ඨ කථිකාචාර්ය විජයානන්ද රූපසිංහ මහතා විසින් මෙහෙය වූ අතර සම්පත්දායකත්වය ලබා දෙනු ලැබුවේ නීතිඥ ජගත් ලියනාරච්චි මහතා සහ මාධ්‍යවේදී තරිඳු ජයවර්ධන මහතා විසිනි.
නීතිඥ ජගත් ලියනාරච්චි මහතා "තොරතුරු දැන ගැනීමේ අයිතිවාසිකම් පනත සහ රාජ්‍ය වගකීම්" යන මාතෘකාව යටතේ කතිකාව සිදු කළ අතර මාධ්‍යවේදී තරිඳු ජයවර්ධන මහතා "තොරතුරු වෙත ප්‍රවේශ වීමේදී ජනමාධ්‍යකරුවාගේ භූමිකාව" යන මාතෘකාව ඔස්සේ සාකච්ඡාව සිදු කළේය.
