කැලණිය විශ්වවිද්‍යාලයේ ජනසන්නිවේදන අධ්‍යයන අංශයේ ශාස්ත්‍රවේදී ( ගෞරව) දෙවන වසර විද්‍යාර්ථීන් කණ්ඩායම මුද්‍රිත මාධ්‍ය විෂයට සහ ගුවන්විදුලි මාධ්‍ය විෂයට සමගාමීව 2025 ජුලී 21 වන දින ලේක් හවුස් ( Lake House) ආයතනයට සහ ශ්‍රී ලංකා ගුවන්විදුලි සංස්ථාවේ ( SLBC) ක්ෂේත්‍ර චාරිකාවක නියැලිණි.
ලේක් හවුස් පුවත්පතේ සහ ශ්‍රී ලංකා ගුවන්විදුලි සංස්ථාවේ ආයතනික ක්‍රියාවලිය පිළිබඳව ප්‍රායෝගික දැනුම ලබා ගැනීමේ අරමුණින් සංවිධානය වූ මෙම ක්ෂේත්‍ර අධ්‍යයන චාරිකාව හරහා පුවත්පත් වාර්තාකරණය, පුවත්පත් මුද්‍රණය , ගුවන්විදුලි වැඩසටහන් ඉදිරිපත් කිරීම යනාදිය පිළිබදව පුළුල් අවබෝධයක් විද්‍යාර්ථීන්ට ලබා ගත හැකි විය. මේ සඳහා කථිකාචාර්ය දිලිනි ගමගේ, සහකාර කථිකාචාර්ය සුදේශ් අබේනායක , සහකාර කථිකාචාර්ය නිපුනි භාග්‍යා යන අය සහභාගී විය.
