කැලණිය විශ්වවිද්‍යාලයේ ජනසන්නිවේදන අධ්‍යයන අංශයේ සහකාර කථිකාචාර්ය සුදේශ් අබේනායක විසින් අධ්‍යක්ෂණය කරන ලද Beyond The Binary සහ Black Nails යන චිත්‍රපට ප්‍රදර්ශනය සහ සාකච්ජාව 2025 ජනවාරි 30 වන දා කැලණිය විශ්වවිද්‍යාලයේ සමාජීය විද්‍යා පීඨ ශ්‍රවණාගාරයේදී පැවැත්විණි.
මෙම සාකච්ඡාවේ මූලික අදහස් දැක්වීම සඳහා ජනසන්නිවේදන අධ්‍යයන අංශයේ ජ්‍යෙෂ්ඨ කථිකාචාර්ය ආචාර්ය මනෝජ් ජිනදාස, කොළඹ විශ්වවිද්‍යාලයේ ජ්‍යෙෂ්ඨ කථිකාචාර්ය ෆාතිමා ශානාස්, එක්විට් ආයතනයේ සභාපති, ලිංගික හා ප්‍රජනන සෞඛ්‍ය සහ අයිතිවාසිකම් පුහුණුකරු තුෂාර මනෝජ් සහ චිත්‍රපට අධ්‍යක්ෂක ද එක් වූහ. මෙම චිත්‍රපට ද්විත්වයම ජාතික හා ජාත්‍යන්තර සිනමා උළෙල කිහිපයක අවසන් වටයට තේරී පත්ව ඇති අතර ඒ අතුරින් Beyond The Binary චිත්‍රපටය එළඹෙන පෙබරවාරි මස ඉන්දියාවේ චෙන්නායිහිදී පැවැත්වීමට නියමිත චෙන්නායි රෙන්බෝ ෆිල්ම් ෆෙස්ටිවල්හීද තිරගත වීමට නියමිතය.
මෙම අවස්ථාවට ජනසන්නිවේදන අධ්‍යයන අංශයෙහි ආචාර්යවරු සහ විද්‍යාර්ථයින් ඇතුළු පිරිසක් ද සහභාගී වූහ.
